以美國時間計算，現在還是2009.11.10，是芝麻街40週年的大日子，在此恭祝芝麻街生日快樂！

今年生日，芝麻街找來Google合作，讓各布偶在Google搜尋器上的塗鴉現身。首先出場的，是Big Bird和Cookie Monster。可是我錯過了，只能在其他網站抓下來：

我發現那天，是Bert & Ernie：

然後是Oscar：

接著有阿毛開心出場：

Count Von Count是大集合前最後一個單獨出場的布偶：

除了抓圖，還想帶它們回家？到芝麻街網站購買40週年貨品，便送你Google塗鴉大集合t-shirt一件，把布偶通通穿上身。:)

在此送上芝麻街第40季精華片段，星光熠熠呢！

豬A：獅子銀行要telnet試connection，係咪畀production port佢地？
餐蛋麵：佢地係咪試production嘅connection？
豬A：係。
餐蛋麵（好聲好氣之餘又要小心講嘢－－只可以講「阿媽係女人」呢類「真理」，唔係就嗱屎上身）：畀production port。
豬A：我嘅問題係，如果無開application，都試到咖？
餐蛋麵（繼續講「真理」）：network試到，application問你老細。
豬A：我老細叫我問你。

問禾做咩呢？要講都講哂，係咪要我話你低能先安樂呢？或者咁講，你想知尐豬餿係咪有毒，你要拎尐豬餿去驗，做咩要驗狗糧呢？

豬事件二

禾放假一個星期，騰雞豬B係咁話澳洲老細講咗好多嘢佢聽，猛話學咗好多嘢，講到自己就唻曉飛拱。係？咁就好呀，禾唔使再打理尐豬屎就最好。之不過，禾做network做咗幾年，禾都唔敢話自己識尐咩，你一個星期就曉飛就真係天才。

話說佢今個星期就自把自為畀咗禾地application QA些化嘅internal IP人地（好彩係錯嘅），叫application同事同個客試嘢。試唔到就梗啦，都未有connection……

豬B畀哂料人之後走過唻問禾（之前禾完全唔豬有呢個客，更加唔豬佢做過乜）：我今次真係唔錯得咖喇，我要確認自己有無畀錯嘢人。

確認咩呢？確認你係豬？

餐蛋麵：無connection喎，試唔到。就算有，你畀嘅係internal IP，都唔會駁得通喎。
豬B（反哂眼，好似禾跣企咁－－冤枉呀，老爺！）：咁我應該畀咩IP佢地？
餐蛋麵：你應該問下佢地係咪要setup一條connection。
豬B：我要覆人呀，我應該覆佢咩IP？
餐蛋麵：有connection先答到你。

豬B返埋位捽application同事，叫佢同個客confirm係咪要setup connection。個同事就問返禾……關禾鬼事咩……我問佢係冰個負責同個客聯絡，佢話係豬B，禾話咁你要問你老細，佢就話老細放假，星期一先返，我話咁你問下豬B急唔急囉，唔急咪叫你老細覆佢囉。

之後豬B就尋仇咁款問禾點同個客講，個applicaton同事話我話可以下星期一先覆佢……真係六月飛霜……

拜最近電視癮起所賜，深夜看到《情牽女人心演唱會》的廣告（原本以為又是雜錦碟），趕緊在網上購票，不然就會錯過了Kit首個重踏舞台的演出。

雖然她沒有說引退，但心裡明白她有多厭倦中文流行樂壇的運作模式；她退下火線，變得理所當然。

當晚到會場外，我們頓變成最年輕的觀眾－－差點以為搞錯地方，去了尹光朱咪咪演唱會……

這才想起，開始喜歡Kit是中學的事了，當時她剛到台灣發展，那是近二十年華語樂壇最火紅的年代。那時候，無人不識《味道》、《領悟》、《心痛》、《新不了情》、《試著了解》……不經不覺已是十多年。

「人生有幾多個十年？」慶幸那十年，樂壇出了一個陳潔儀；慶幸那十年，香港人欣賞陳潔儀；慶幸十年後，還能聽到陳潔儀的歌聲。

我願以後更多個十年能聽到Kit的歌聲；我願以後她都平安、幸福。

今次依然由餐蛋麵帶團，一家人慳家遊台北。由於餐蛋爸餐蛋媽未去過台灣，所以今次行程為未去過台灣的朋友而設（不怕辛苦的話:p）：

第一天：
下午到達旅館　→　鼎泰豐　→　國父紀念館　→　台北101　→　永康街牛肉麵　→　師大夜市

第二天：
士林官邸　→　故宮博物院　→　淡水　→　士林夜市

第三天：
九份　→　基隆夜市　→　美麗華

第四天：
台北車站　→　西門町　→　回港

阿毛最近有舖搶鏡癮

真係見鏡就搶……

人：「之前喺邊間痕行做過呀？」
豬：「罅星痕行，做宰十年。」
人：「罅星痕行喺邊咖？」
豬：「喺小罅星。」
人：「喺呢份工有無遇過尐咩大問題呢？」
豬：「都無乜吖，全公司最罅星嗰個係我咯。」
人：「有無遇過尐好難搞嘅用戶呢？」
豬：「都唔算難搞吖，畀人小都好正常，我地個地址唻家嘛！」
人：「咁你工作範圍係咩？」
豬：「我條添呢，有十個人，我睇住佢地做嘢囉。」
人：「點睇呢？」
豬：「用對眼囉！」

（唔知有無得續，待下啦……）

雖然大家對비빔밥並不陌生，但原來有些人是不懂其吃法的，現在由阿毛示範一次，有請阿毛～～～

首先，將熱飯加入已準備好的熟食材中。

然後，加入醬油。辣醬當然不可少啦！

最後，把所有材料拌勻，咁就食得喇！

從前問朋友有什麼好宵夜自助餐介紹，首推怡東。主要原因是食物款式多，價格相宜。之前也曾惠顧其自助晚餐，絕不叫人失望。倚窗閣一餐教人回味，順道比較一下。

其實單看照片已高下立見。我們十點半到達，剛好是宵夜自助餐的法定開始時間。在顧客不多的情況下，食物的選擇和份量已經好像尾聲一樣隨便。新鮮海產欠奉，頂多只有壽司充撐場面。平面方角的壽司飯，相信是把飯放在模具中壓成一大塊「飯板」，再切出小塊的「壽司飯磚」。這樣高級的酒店，難道沒有一個正式的日菜師傅和像樣一點的日本米嗎？壽司材料沒有本身的味道，配合那壽司飯，整體既淡且硬，敗筆之最。

點心無論外觀和製法均非常敷衍，像那惡形惡相的燒賣和過鹹的煎腸粉，形實俱欠，懷疑廚師的標準在哪。

倚窗閣的雞翼和炒飯叫人難忘－－這兒的雞翼卻小得可憐，隨便的用豉油煮熟便算；炒飯則乾而無味。

因為沒什麼好吃，但確實肚餓，本人又偏好包食，便取了一堆中西包點比較一下。那小籠包賣相像小學生的勞作，味道不提也罷。各種中式包點像街上茶餐廳兼賣的水準，不好吃但總算能吃個飽。鍋貼硬得罕見。西式麵包乾而無味……究竟那一樣菜的廚師是達標的？

甜點賣相不俗，但食味卻非常普通。比較好的是丁方的核桃蛋糕，細膩之餘又帶點果仁的層次感，不會叫人回味也讓人記得。

全晚唯一安慰是那起沙的紅豆沙。糖水起了沙但質感不會過於濃稠，帶點淡淡果皮香之餘還可以吃到大量豆殼，簡單又用心的出品。

一分錢一分貨，這兒送贈的雪糕乃牛奶公司小杯裝雪糕，請注意。

在中環密密麻麻的森林裡，總有很多故事，很多傳說。名人燒味、長龍雲吞、舊式茶樓、葱油撈丁、馳名糖水……林林種種。使這個區域成了這個城市的一大食堂。食店一般依山而建，一不留神便會錯過。然而總有識途老馬定期光顧，把小店擠得水泄不通，支持他們繼續經營，我們才有幸一嚐那傳說的滋味。

初夏走這山路還好，加上是星期六下午，可以閒蕩至勝香園。他們的蕃茄麵和檸蜜脆脆賣到街知巷問，成為入門必試。不看餐牌就點了兩碗蕃茄腸蛋麵、一份檸蜜脆脆、一杯凍奶茶和一支可樂。安頓下來看餐牌，才發現「脆脆」的配搭多變，加塊豬扒其實就是我們常吃的豬扒包。最有趣的，是在這大排檔可選擇港式麵包種類，似乎比西式三文治店走得更快更前。

凍奶茶比較清淡，茶味稍嫌不夠濃。不過奶不過多，沒有喧賓奪主。然而並非推介之列。

蕃茄麵是搶眼的鮮紅。澈澈底底紅彤彤一碗，原個車厘茄光脫脫的混在湯麵裡，絕不欺場。蕃茄湯保留原汁原味，沒有多放糖或茄醬，加上個人對煮蕃茄的主觀期望，更覺這個湯酸過了頭。雖然腸蛋麵就是普通的腸蛋麵，不過這就是舊式茶檔的口味，不用刻意創新，簡單就好。

檸蜜脆脆物如其名，就是「把檸檬汁和蜜糖淋在烤得特別鬆脆的麵包上」。檸檬汁是鮮檸檬汁，蜜糖是蜂蜜，兩者皆水份較多，淋在烤脆了的麵包上，把一個「脆」打掉了。檸檬汁和蜜糖的比例不太洽當，連我這個嗜酸之人也吃不消；加上那蕃茄湯，差點以為自己在洗胃。

雖然跟期望有差距，但我只願小店能繼續經營下去，就算留不住昔日的味道，也起碼留住那叫人懷念的意境。